BoYs StYlE

اهلا بيك (بيكى) معانا فى منتديات بويس استايل
شكلك كدة مش متسجل معانا فى المنتدى
لو انت لسة جديد دوس على (التسجيل) واملا البيانات
لو انت معانا اصلا ومن اعضائنا دوس على (دخول)
لو انت زائر يعنى دوس على (اخفاء)
ونورتنا فى كل الاحوال
شكرا ليك (لو عندك اى مشكلة فى المنتدى روح للمدير العام )اللى هو انا
المنتدى منتداك تنورنا فى اى وقت
$$المستحيل هو صنع الشئ ونحن نصنع المستحيل (المقلدون خلفنا تماما)$$

~FOR ALL WE MAKE~


    السيرة النبوية

    شاطر
    avatar
    الملاك البرئ

    عدد المساهمات : 19
    تاريخ التسجيل : 31/10/2009
    العمر : 28

    السيرة النبوية

    مُساهمة من طرف الملاك البرئ في الجمعة نوفمبر 06, 2009 11:07 pm

    السلام عليكم ورحمة الله وبركاته
    احبابي في الله
    دي اول حلقه من حلقات السيره النبويه ان شاء الله
    وارجو من الله ان يعصمني من الخطأ فيها حيث لا عاصم الا هو
    واتمنى انها تنول اعجابكم

    هو
    صلى الله عليه وسلم
    محمد .. احمد .. محمود
    والمعنى انه دائم الحمد لله ولم يطلق هذا الاسم من قبله على اي انسان

    اولا
    هانبدا بنسبه صلى الله عليه وسلم
    الاب
    والام
    ونسب كل منهما


    **الاب**
    عبد الله بن عبد المطلب بن هاشم بن عبد مناف بن قصى بن كلاب بن مره بن كعب بن لؤي بن غالب بن فهر بن مالك
    بن النضر
    بن كنانه بن خزيمه بن مدركه بن الياس بن مضر بن نذار بن معد بن عدنان
    وعدنان من نسل اسماعيل عليه السلام ..الذبيح الاول
    وبن ابراهيم ابو الانبياء عليهم جمعيا الصلاة والسلام
    عبد الله والد رسول الله صلى الله عليه وسلم هو الذبيح الثاني

    مكه كانت تحت حكم قبيله اسمها جرهم القبيله دي كانت دايما في حروب ولما احست بالهزيمه دفنت المقام والحجر الاسود مع بئر زمزم وده كان قبل الوقت اللي كان عبد المطلب موجود فيه
    بس بعد ما مكه رجعت لقريش تاني في عهد قصى بن كلاب
    عبد المطلب شاف رؤيا انه لازم يرجع يحفر البئر تاني وفي الرؤيا دي شاف مكان البئر بالظبط وبالفعل بدأ الحفر ولاقى فيها سيوف وكنوز وغزلتين من دهب متزينه بالاحجار الكريمه
    عبد المطلب حب يعلق الكنوز دي عالكعبه لاقى قريش بيطالبوه انهم يشاركوه في الشرف ده فرفض طبعا وقالهم الامر ده انا لوحدي اللي مكلف بيه وتقدروا تحكموا اللي انتوا عايزين تحكموه بينا
    عبد المطلب مكنش عنده غير ابن واحد اسمه الحارث ولما حس ان قريش ممكن يستضعفوه نذر نذر لله انه لو رزقه ب10 اولاد ذكور هايدبح واحد منهم عند الكعبه وبالفعل ربنا رزقه بالاولاد العشره
    ولما قال لاولاده بالنذر اللي عليه وافقوا عشان يوفي بنذره .. وكتب اسماء الابناء العشره على اسهم عند الكعبه وحطها في القداح عشان يختار سهم ويبان اسم الابن اللي هايذبح ودي كانوا بسموها برمي القداح ودلوقتي اسمها الاقتراع .. القرعه واتكررت 3 مرات وكل مره يطلع اسم عبد الله فكان القرار ان هو اللي هايذبح في الكعبه
    وبالفعل اخد عبد الله وراح للكعبه ومعاه السكينه عشان يدبحه .. بس كبار القوم من قريش منعوه لانهم كانوا بيحبوه جدا ولما عبد المطلب قالهم طب والنذر اعمل ايه فيه؟؟
    قالوا له زي ما رميت القداح على اولادك .. عملت القرعه .. ارمي القداح بين عبد الله وبين 10 من الابل
    وبالفعل عمل كده اول مره وطلع اسم عبد الله .. فضل يزود في عدد الابل لحد ما وصل ل100 ناقه فطلعت القداح على ال100 ناقه وبكده تمت نجاة عبد الله بن عبد المطلب من الذبح امام الكعبه
    واصبحت هي دي الديه وطبقت بعد كده على كل اهل مكه للوفاء بالنذر في حال التضحيه باحد الابناء
    وعشان كده سمى الرسول عليه الصلاة والسلام
    ابن الذبيحين
    اسماعيل بن ابراهيم
    وعبد الله بن عبد المطلب

    **الام**
    هي .. امنه بنت وهب
    امنه بنت وهب بن عبد مناف بن زهره بن كلاب بن مره بن كعب بن لؤي بن غالب بن فهر بن مالك
    بن النضر
    ومن النسب واضح الامتداد لابن النضر وعلاقة العمومه بينها وبين عبد الله بن عبد المطلب
    وام امنه بنت وهب هي
    بره بنت عبد العزى بن عثمان واللي نسبها بردو بيمتد لابن النضر
    وام بره بنت عبد العزى .. جدة امنه
    هي ام حبيب بنت اسد واللي نسبها بردو بيمتد لابن النضر
    وبن النضر بيمتد نسبه الى عدنان اللي بيمتد الي نسل اسماعيل عليه السلام
    ومن الثوابت دي كلها
    رسول الله صلى الله عليه وسلم هو اشرف ابناء ادم من حيث النسب من ناحية ابوه وامه .. الاعمام والاخوال
    واجتمعت اشرف الانساب وتزوج عبد الله بن عبد المطلب من امنه بنت وهب واللي نسبهم هم الاتنين بيمتد لاسماعيل عليه السلام
    avatar
    ROMIO LOVER
    Admin
    Admin

    عدد المساهمات : 117
    تاريخ التسجيل : 06/06/2009
    الموقع : OAM EL DONIA

    رد: السيرة النبوية

    مُساهمة من طرف ROMIO LOVER في الإثنين نوفمبر 09, 2009 8:47 am

    الله ينور عليكى وجزاكم الله خير
    وفى انتظار باقى الحلقات ان شاء الله
    بس انا لية طلب صغير جدا ياريت فى باقى الحلقات الجية
    او فى اى موضوع تانى ليك ياريت تكبرى الخط شوية
    عشان تكونى القراءة اكثر وضوحا وشكرا ليكى موضوع مميز
    M


    ...................................................................................................
    ليست مشكلتي إن لم يفهم البعض ماأعنيه ؟؟وليست مشكلتي إن لم تصل الفكره لأصحابها ؟!فهذه قناعاتي .. وهذه أفكاري..وهذه كتاباتي بين يديكم .. أكتب ماأشعر به ..وأقول ما أنا مؤمن به ..أنقل همي ووجعي وفرحي ومايجول في فكري ..وليس بالضرورة ماأكتبه يعكس حياتي الشخصيه !!!
    avatar
    ahmed_shiko

    عدد المساهمات : 66
    تاريخ التسجيل : 09/07/2009

    رد: السيرة النبوية

    مُساهمة من طرف ahmed_shiko في الثلاثاء نوفمبر 10, 2009 2:14 am

    موضوع جميل جدا
    وجزاكم الله خير
    avatar
    m e m o

    عدد المساهمات : 49
    تاريخ التسجيل : 09/07/2009
    العمر : 26

    رد: السيرة النبوية

    مُساهمة من طرف m e m o في الثلاثاء نوفمبر 10, 2009 6:49 am

    الله عليكي ربنا معاكي
    avatar
    amira

    عدد المساهمات : 39
    تاريخ التسجيل : 04/11/2009

    رد: السيرة النبوية

    مُساهمة من طرف amira في الأحد نوفمبر 22, 2009 2:33 am

    الله عليكى بجد موضوعك حلو اووى
    احنا مستنين منك باقية الحلقات وربنا يوفقك انشاء الله

      الوقت/التاريخ الآن هو الجمعة يناير 18, 2019 2:07 am