BoYs StYlE

اهلا بيك (بيكى) معانا فى منتديات بويس استايل
شكلك كدة مش متسجل معانا فى المنتدى
لو انت لسة جديد دوس على (التسجيل) واملا البيانات
لو انت معانا اصلا ومن اعضائنا دوس على (دخول)
لو انت زائر يعنى دوس على (اخفاء)
ونورتنا فى كل الاحوال
شكرا ليك (لو عندك اى مشكلة فى المنتدى روح للمدير العام )اللى هو انا
المنتدى منتداك تنورنا فى اى وقت
$$المستحيل هو صنع الشئ ونحن نصنع المستحيل (المقلدون خلفنا تماما)$$

~FOR ALL WE MAKE~


    تحذير هــــــــــــــــام!!!!!!!!!!!!!!!!!!

    شاطر
    avatar
    ROMIO LOVER
    Admin
    Admin

    عدد المساهمات : 117
    تاريخ التسجيل : 06/06/2009
    الموقع : OAM EL DONIA

    تحذير هــــــــــــــــام!!!!!!!!!!!!!!!!!!

    مُساهمة من طرف ROMIO LOVER في الأربعاء نوفمبر 04, 2009 10:23 am

    [color=darkblue]
    تحذير هام
    اوعى تعد جنب ستك ليلة امتحان..
    .
    .

    .

    الله أكبر الله أكبر .. أذان الظهر ..

    يارب .. يارب بحق ده الآذان تنجح يا نون ياابن ابني وأشوفك دكتور أد الدنيا -

    ياستي بس انا في تجارة -

    وماله يابني هو يكتر علي ربنا ....... ده ربنا قادر علي كل شيء -

    ياستي ونعم بالله بس اللي بيطلع دكتور لازم يكون في كلية الطب مش التجارة -

    ياللا تجارة تجارة ... ومالها التجارة .. دي حتي التجارة شطارة .. ده الله يرحمه جدك كان تاجر في الوكالة أد الدنيا -

    ياستي التجارة اللي في الوكالة حاجة واللي في الكلية حاجة تانية -

    ع العموم شد حيلك وأنته ... وانا أخلي جدك يخدك معاه الوكالة عشان تتدردح وتتودك في السوق -

    جدي إيه اللي هايخدني معاه ...... ده جدي مات من زمان ياستي -

    يا مصيبتي عبد الواحد مات .. ياحبيبي يا أخويا .. مكنش يومك ياسبعي -

    ياستي ده ميت من تلتين سنة -

    تلتين سنة .. ده العمر بيجري ياولاد تصدق ولا حسيت بيهم .... ياللا اهو غار في داهية ..... قطعت وقطعت -سيرته .. ده كان بخل الدنيا فيه .. أن ماعمره دخل عليا ببطيخة ولا كيس جوافة

    ياستي حراااام عليكي عايز أذاكر بقي -

    يوووه ... وانا ماسكاك
    ياوله .. ذاكر ... ذاكر عشان ربنا يكرمك
    وتنجح وتاخد الدبلون -

    ياستي دبلون ايه .. أسمه البكالوريوس -

    أنته عتضحك عليا ياوله .. أسمه الدبلون الواد ابن فايزة جدع زيك كده في مدرسة التجارة وخد الدبلون -

    خلاص دبلوم دبلوم ياستي .. سيبيني بقي عشان اذاكر -

    ذاكر .. ذاكر يأخويا ذاكر ... تعرف ياواد ... ندرن عليا يوم ماتنجح لأكون رايحة خاطبالك عبير بت رئيسة ..... دي ايه ياواد .. أدب وأخلاق .. وعلام كمان

    ياستي عبير دي معاها أعدادية -

    - وماله يابني ... الراجل مايعبهوش إلا جيبه

    راجل ..... راجل مين ياستي .... عبير دي بنت -

    - عبير ..... عبير مين ياوله ..... أنته بتعرف بنات من روانا

    لا اله الا الله ...... أبوس رجلك ياستي إرحميني بقه -

    - طب ذاكر .... ذاكر جتك نيلة وأنته طالع براوي كده زي أمك ... قطعت وقطعت سيرتها ... أنا مش عارفة أبوك كان أجوزها علي إيه .. حكم .. قال لبس البوصة تبقي عروسة .. بس واللي نبي النبي نبي لكون مبوظة الخطوبة دي ومجوزاه أنيسة بت اختي

    - ياستي خطوبة إيه .. أبويا مجوز امي من خمسة وعشرين سنة .. وبعدين أنيسة دي بنت أخوك مش بنت اختك .. واساسا إنتي ملكيش إخوات بنات

    صحيح ياوله .. أنته عندك حق أنا مليش إخوات بنات .. أصلي انا أمي ماكنتش بتخلف صبيان -

    حرااااااااااااااا ااااااااااااا
    اااااااام ............. ستي ماتطلعي البلكونة شوية .. ده الهوا حلو بره -

    لأ ياخويا ..... في جدع كده حليوة وشعره مسبسب في البلكونة اللي في الوش بيقعد يعاكسني -

    خلاص روحي المطبخ ... أهو زمان أمي خلصت الرز -

    رز ... رز إيه يابني ..... هو أنا ليه سنان للمكرونة ..... أنا هطلع البلكونة أحسن -

    طب أبقي خلي بالك م الهوي ياستي -

    هوي لما يلطشك يابت ياجذمه أنتي -

    الحمد لله أخيرا خرجت وقدرت أذاكر ..
    رحت الأمتحان تاني يوم وربنا كرمني
    وحليت كويس لكن للأسف المراقب سحب مني الورقة
    قبل ماأكتب أهم حاجة فيها

    ياتري أنا كان إسمي إيه ؟؟؟؟ ياتري كان إسمي إيه ؟؟؟؟
    أنا مين انا ليييييييه انا ازاااي
    _
    _________________
    [/color]
    avatar
    ahmed_shiko

    عدد المساهمات : 66
    تاريخ التسجيل : 09/07/2009

    رد: تحذير هــــــــــــــــام!!!!!!!!!!!!!!!!!!

    مُساهمة من طرف ahmed_shiko في الخميس نوفمبر 05, 2009 6:51 am

    ههههههههههههههههههههه
    Laughing Laughing Laughing Laughing

    جامده يا كبير استمر على كده
    avatar
    huda

    عدد المساهمات : 56
    تاريخ التسجيل : 24/10/2009
    العمر : 26

    رد: تحذير هــــــــــــــــام!!!!!!!!!!!!!!!!!!

    مُساهمة من طرف huda في الخميس نوفمبر 05, 2009 8:31 am

    بجد جاااااااااااامد الله عليك

    ساندريلا الاحلام

    عدد المساهمات : 57
    تاريخ التسجيل : 01/11/2009

    رد: تحذير هــــــــــــــــام!!!!!!!!!!!!!!!!!!

    مُساهمة من طرف ساندريلا الاحلام في الخميس نوفمبر 12, 2009 6:11 am

    بجد والله حلو قوي ايه الحلاوه دي جامد موووووووووووووووووووووووووووووووووووووووووووووووووت ياباشا
    avatar
    m e m o

    عدد المساهمات : 49
    تاريخ التسجيل : 09/07/2009
    العمر : 26

    رد: تحذير هــــــــــــــــام!!!!!!!!!!!!!!!!!!

    مُساهمة من طرف m e m o في الخميس نوفمبر 12, 2009 6:19 am

    الله يبريك فيك يامديرنا الحبيب
    avatar
    amira

    عدد المساهمات : 39
    تاريخ التسجيل : 04/11/2009

    رد: تحذير هــــــــــــــــام!!!!!!!!!!!!!!!!!!

    مُساهمة من طرف amira في السبت نوفمبر 14, 2009 4:38 am

    هههههههههههههههه
    دى الظاهر ان ستك دى ضايعة خالص
    بس بجد بجد دمك زى السكر يا روميو Very Happy Smile Smile

    nagyking

    عدد المساهمات : 21
    تاريخ التسجيل : 08/11/2009

    رد: تحذير هــــــــــــــــام!!!!!!!!!!!!!!!!!!

    مُساهمة من طرف nagyking في الإثنين نوفمبر 16, 2009 10:15 pm

    تسلم ايدك يا صاصا يا مصيتنا فى كل حتة

    mohamed mida

    عدد المساهمات : 7
    تاريخ التسجيل : 16/11/2009
    العمر : 28

    رد: تحذير هــــــــــــــــام!!!!!!!!!!!!!!!!!!

    مُساهمة من طرف mohamed mida في الثلاثاء نوفمبر 17, 2009 12:06 am

    جامد جدا يا مدير

      الوقت/التاريخ الآن هو الجمعة يناير 18, 2019 1:14 am