BoYs StYlE

اهلا بيك (بيكى) معانا فى منتديات بويس استايل
شكلك كدة مش متسجل معانا فى المنتدى
لو انت لسة جديد دوس على (التسجيل) واملا البيانات
لو انت معانا اصلا ومن اعضائنا دوس على (دخول)
لو انت زائر يعنى دوس على (اخفاء)
ونورتنا فى كل الاحوال
شكرا ليك (لو عندك اى مشكلة فى المنتدى روح للمدير العام )اللى هو انا
المنتدى منتداك تنورنا فى اى وقت
$$المستحيل هو صنع الشئ ونحن نصنع المستحيل (المقلدون خلفنا تماما)$$

~FOR ALL WE MAKE~


    السيرة النبوية 8

    شاطر
    avatar
    الملاك البرئ

    عدد المساهمات : 19
    تاريخ التسجيل : 31/10/2009
    العمر : 28

    السيرة النبوية 8

    مُساهمة من طرف الملاك البرئ في الأربعاء ديسمبر 09, 2009 3:21 am

    حلقة النهارده ان شاء الله عن السيده خديجه ام المؤمنين رضي الله عنها وارضاها
    .......وعرفنا في الحلقه اللي فاتت نسبها وشرفها وانها بنت عم الرسول صلى الله عليه وسلم
    اولا
    معنى الاسم ايه؟؟
    خديجه .. هى السابقه لاوانها والساعيه للكمال والوللاده
    اتولدت واتربت في بيت شرف ورياسه في قريش واتجوزت مرتين من اتنين من اشرف اشراف قريش اولهم كان
    عتيق بن عائد المخزومي وانجبنت منه بنت اسلمت بعد كده كان اسمها ام محمد بنت عتيق المخزوميه
    بعد وفاة عتيق اتجوزت ابو هاله بن زراره التميمي وانجبت منه هند
    ومات ابوها خويلد بن اسد في حرب الفجار
    الاهم من ده كله هو
    لقبها في الجاهليه كان .. الطاهره
    لحفاظها على نفسها بعد وفاة زوجها التاني
    ومن خلال القصه هانعرف انها فعلا فيها كل الصفات دي
    المهم
    زي ماعرفنا ان كل اهل قريش بيشتغلوا في التجاره وكانت منهم السيده خديجه كانت بتستاجر بعض الرجال عشان يسافروا ويتاجروا باموالها وبتديهم اجر لكده
    لما سمعت انه في رجل صادق جدا وامين وكريم الاخلاق وهو مثال لحسن الخلق بعتت له عشان تتفق معاه انه يكون تاجر باموالها في رحلة الشام وعرضت عليه انها هاتدفع له اكتر مما كانت بتدفع لباقي التجار .. عشان اللي سمعته عنه وعن اخلاقه وامانته
    هو ده
    محمد
    صلى الله عليه وسلم
    وقالت له انا هابعت معاك واحد من العبيد اللي عندي عشان يساعدك ويكون في خدمتك وهو ميسره .. وافق الرسول عليه الصلاة والسلام وفعلا سافر للتجاره
    السيده خديجه كان عندها 40 سنه والرسول عليه الصلاة والسلام كان وصل ل25 سنه
    المهم
    ايه اللي حصل خلال اول رحلة تجاره يخرج بها الشاب الصادق الامين ؟؟
    تعالوا نشوف سوا
    في الطريق للشام القافله حطت رحالها عشان ترتاح ونزل الرسول وقعد تحت شجره .. نفس الشجره اللي شافه تحتها بحيره فاكرينه ؟؟
    المهم راهب تاني شافه قاعد تحت الشجره دي فنده لميسره وساله .. مين الراجل اللي قاعد تحت الشجره اللي هناك دي ؟؟
    ميسره قاله .. رجل من قريش من اهل الحرم
    فرد عليه الراهب وقاله .. ما نزل تحت هذه الشجره قط الا نبي
    ده اول موقف حصل في الرحله
    ووصل الرجل الامين الصادق الى الشام بالتجاره وكان اول من انهى تجارته وبارباح اضعاف ما كانت تجنيه صاحبة المال .. خديجه .. وانتهت الرحله وعاد الجميع الى مكه
    بس خلاص
    ؟؟؟؟؟؟؟
    تفاصيل الرحله هانعرفها حالا من ميسره
    بعد الوصول لمكه سلم الامين الامانه وكانت اضعاف ما تجنيه خديجه من قبل
    وصدقت في وعدها ودفعت اضعاف ما كانت تدفع لسابق التجار وخرج الرجل الامين الي بيته
    وندهت السيده خديجه على غلامها ميسره عشان تساله عن اخبار الرحله قالها
    انا لاحظت حاجه غريبه جدا في طريق السفر والرجوع كانت الشمس شديدة الحراره وكل القوم يعانون منها ما عدا محمد كانت ترافقه غمامه في السماء تحجب عنه حر الشمس الحارقه ولا تفارقه ابدا
    وقالها على كلام الراهب اللي كان قاعد مكان بحيره
    وحكى لها عن طريقة تعامله مع التجار وقمة السماحه في البيع والشراء
    السيده خديجه زي ما عرفنا .. كانت افضل نساء قريش حسبا ونسبا بالاضافه الى انها كانت تزن جميع الامور بعقلها ودايما كان رايها هو الصائب
    كل الصفات دي خليتها امراءه يتمناها اشراف قريش زوجه لهم ولكنها كانت ترفضهم
    بعد كده حكت خديجه لصديقتها نفيسه بنت منيه عن محمد الامين وعن رغبتها في الزواج منه وكان رد نفيسه لها فيه الكثير من الاطمئنان للخطوه دي
    بعد فتره قصيره
    بعتت ميسره عشان ينده له تاني
    ولما رجع لها الرسول صلى الله عليه وسلم قالت له
    يابن عم.. اني قد رغبت فيك لقرابتك لي وسلطتك وسط قومك وامانتك وحسن خلقك وصدق حديثك يابن عم اني راغبة في الزواج بك
    بدت الرغبه والموافقه من الرجل الامين صلى الله عليه وسلم وعرض امر الزواج ده على اعمامه .. فرجع معاه عمه ابو طالب وعمه حمزه اولاد عبد المطلب
    وراحوا لعم خديجه عمرو بن اسد اخو خويلد وخطبوها منه
    وافق عمها على الزواج بعد ما ذكر كل الصفات الطيبه في الزوج الامين الصادق وتم الزواج وكان في الوقت ده الرسول عليه الصلاة والسلام عنده 25 سنه والسيده خديجه عندها 40 سنه
    وكانت الزوجه المخلصه المعينه لزوجها وكان نعم الزوج للزوجه المخلصه ولم يتزوج عليها حتى توفاها الله
    السيده خديجه انجبت من الرسول 6 من الابناء والبنات وهم بالترتيب
    ابراهيم .. القاسم وكان لقب الرسول عليه الصلاة والسلام ابو القاسم
    عبد الله .. وكان لقبه الطاهر الطيب
    رقيه
    زينب
    ام كلثوم
    فاطمه
    بنات رسول الله صلى الله عليه وسلم رضي الله عنهم وارضاهم
    اولاده ابراهيم القاسم ..وعبد الله الطيب الطاهر.. ماتوا قبل الاسلام اما البنات كبروا ودخلوا الاسلام ورافقوا الاب في الهجره


    احبابي في الله
    انا هنا ليا ملحوظه صغيره وده وقتها .. بعد نزول الرساله والوحي ومعادة قريش للرسول كانوا بيطلقوا عليه لقب الابتر بعد ما كان الصادق الامين
    وسبب اللقب ده ان ابناءه الاولاد ابراهيم القاسم ... وعبد الله الطيب ماتوا ومافضلش غير البنات .. ومعنى الابتر ان ذكره هايتقطع من الدنيا لانه مالوش ذكور يكملوا على اسمه
    وعشان كده نزلت سورة الكوثر مواساة للرسول عليه الصلاة والسلام
    بسم الله الرحمن الرحيم
    انا اعطيناك الكوثر فصل لربك وانحر ان شانئك هو الابتر
    صدق الله العظيم
    يعني
    يا محمد انت ليك نهر الكوثر في الجنه عوضا عن ابناءك الذكور صلى وضحي لله ومتزعلش
    ان كارهوك ومبغضوك هم الذين سينتهي ذكرهم من الدنيا .. يا محمد ..ان شانئك هو الابتر

      الوقت/التاريخ الآن هو الجمعة يناير 18, 2019 2:08 am