BoYs StYlE

اهلا بيك (بيكى) معانا فى منتديات بويس استايل
شكلك كدة مش متسجل معانا فى المنتدى
لو انت لسة جديد دوس على (التسجيل) واملا البيانات
لو انت معانا اصلا ومن اعضائنا دوس على (دخول)
لو انت زائر يعنى دوس على (اخفاء)
ونورتنا فى كل الاحوال
شكرا ليك (لو عندك اى مشكلة فى المنتدى روح للمدير العام )اللى هو انا
المنتدى منتداك تنورنا فى اى وقت
$$المستحيل هو صنع الشئ ونحن نصنع المستحيل (المقلدون خلفنا تماما)$$

~FOR ALL WE MAKE~


    السيرة النبوية 6

    شاطر
    avatar
    الملاك البرئ

    عدد المساهمات : 19
    تاريخ التسجيل : 31/10/2009
    العمر : 28

    السيرة النبوية 6

    مُساهمة من طرف الملاك البرئ في الإثنين نوفمبر 30, 2009 6:27 am

    أحبائى فى الله
    وقفنا في الجزء الخامس لحد ما حليمه السعديه رجعت تاني بالرسول عليه الصلاة والسلام بعد ما كانت خايفه عليه بعد حادث الملكين
    وبعد ما بدأ الرسول عليه الصلاة والسلام يكبر رجع عشان يعيش مع امه امنه بنت وهب وجده عبد المطلب وكل ده تحت رعاية ربنا سبحانه وتعالى ليه
    ولما وصل الرسول لسن 6 سنين تقريبا حبت امنه بنت وهب انها تعرفه على اخواله وفعلا اخدته وسافرت بيه عند اخواله بني عدي بن النجار
    وهي في طريق العوده توفاها الله في بلد اسمها الابواء بين مكه والمدينه
    واصبح رسول الله صلى الله عليه وسلم يتيم الاب والام وهو بن 6 سنوات
    واصبح في رعاية جده عبد المطلب
    ومن المواقف اللي بينت حب عبد المطلب الجد لابن ابنه محمد بن عبد الله عليه الصلاة والسلام .. كان عبد المطلب متعود يجتمع بابنائه عند الكعبه والفرش اللي كان بيقعد عليها مكانش حد من ابنائه يقدر يقعد عليها احتراما للاب ولما كان الرسول عليه الصلاة والسلام يجي يقعد على فرشة جده كان اعمامه يحاولوا يمنعوه ولما عبد المطلب شاف ده قالهم
    سيبوا ابني .. فوالله ان له لشأنا .. وياخده ويقعده جنبه ويمسح بايده على الرسول صلى الله عليه وسلم
    وفضل الرسول في رعاية جده بعد موت امه امنه سنتين
    ومات عبد المطلب وكان الرسول عليه الصلاة والسلام في الوقت ده عنده 8 سنين
    ***
    كان للرسول عليه الصلاة والسلام 6 عمات وهن بنات عبد المطلب .. صفيه .. بره .. عاتكه .. ام حكيم .. اميمه .. اروى
    ومكانش ليهم دور في رعاية الرسول عليه الصلاة والسلام لان ابنائهم بينتموا لنسب ازواجهم مش نسب عبد المطلب بن هشام عشان كده كان عمه ابو طالب هو اللي تولى رعايته بعد موت عبد المطلب
    ***
    ابو طالب اصبح مسئول عن ابن اخوه محمد بن عبد الله واخده في رعايته وهو عنده 8 سنين وفي مواقف كتير حصلت وكانت دليل عل ان الغلام ده مش زي اي غلام عادي ومن المواقف دي
    1-
    وفي الفتره دي كان في عراف بينزل مكه واهل مكه بيروحوا له باولادهم عشان يقولهم اولادهم هايكون شانهم ايه في المستقبل
    ابو طالب اخد الرسول وراح للعراف ده
    لما العراف بص للرسول وهو لسه غلام في حاجه شغلته ومطولش النظر ليه ابو طالب حس ان العراف مش مهتم فاخد الرسول ومشي ولما العراف التفت مالاقاش الرسول قال
    الغلام اين الغلام ؟؟؟ ويلكم ردو الي الغلام الذي رايت .. والله ليكونن له شأنا
    طبعا لازم يكون له شأن لان هو ده خاتم الانبياء والرسل
    محمد
    صلى الله عليه وسلم
    -
    دلوقتي جه معاد رحلة الصيف للشام وابو طالب جهز القافله بتاعته وتجارته وشاف الرسول الغلام قاعد لوحده
    فقال .. والله لاخرجن به معي ولا يفارقني ولا افارقه ابدا
    كل سنه وهم في الطريق للرحله دي كانوا بيعدوا على مكان اسمه بصرى في ارض الشام .. المكان ده كان فيه راهب عايش هناك لوحده ومكانش ليه اي علاقه باي قافله رايحه او راجعه من بلاد الشام
    الراهب ده كان عالم في المسيحيه وكان كل القساوسه بيروحوا له لو عايزين يفهموا اي مساله من مسائل الشرع المسيحي وكانوا بينقلوا عنه العلم بتاعه .. الراهب ده هو
    بحيرى
    وكان عنده اصل الانجيل والتوراه واللي فيهم مواصفات الروح المحمود اللي هاتنزل اخر الزمان
    لما قربت قافلة قريش من صومعة بحيرى في طريقها لارض الشام
    بحيرى لاحظ ان في سحابه ماشيه مع القافله وبتظل جزء بسيط جدا وباقي القافله بتعاني من الحر الشديد..ولما القافله حبت ترتاح وتشرب ونزلوا كلهم من على الركب قعد الرسول الغلام تحت شجره قريبه من صومعة بحيرى
    وشاف حاجه غريبه حصلت
    اول ما فروع الشجره دي ضللت على الغلام اختفت السحابه .. بحيرى حب يتاكد من باقى المواصفات اللي موجوده عنده وعارفها
    بعت للقافله وقالهم ..انا جهوت لكم اكل وشرب ياريت تشرفوني كلكم في الصومعه عشان ترتاحوا وتاكلوا .. كلكم لازم تيجوا الكبير والصغير العبد والحر
    رد عليه واحد من اللي كانوا في القافله وقاله .. في ايه النهارده يا بحيري ؟؟ سنين كتير كنا بنعدي عليك ومن نفس المكان ده وعمرك ما عملت كده؟؟
    رد عليه بحيرى وقاله .. معاك حق بس ده كان قبل كده انما النهارده انتم كلكم ضيوفي
    وفعلا راحت كل القافله عند بحيري وقعدوا عشان ياكلوا ماعدا محمد بن عبد الله فضل قاعد تحت الشجره
    بحيري قعد يدور على الغلام - محمد صلى الله عليه وسلم - او بمعنى اصح قعد يدور على علامات النبوه في كل الموجودين مالاقهاش استغرب جدا وقال لنفسه .. مستحيل الشجره دي مقعدش تحتها غير الانبياء بس وكمان السحابه ؟؟
    وعشان يتاكد اكتر سالهم .. هو انتوا كلكم موجودين .. انتم مش ناسين حد كان معاكم؟؟
    ردوا عليه وقالوا له .. لاء يا بحيرى مفيش غير غلام صغير قاعد تحت الشجره مجاش معانا عشان لسه صغير
    رد عليهم بحيرى وقالهم .. انا قولت لكم كبيركم وصغيركم .. الغلام ده لازم يجي وياكل معاكم
    وهنا وقف واحد من قريش في القافله وقال .. واللاتي والعزى انه للؤم بنا ان يتخلف بن عبد الله بن عبد المطلب عن طعام بيننا
    وراح الراجل ده وشال الغلام وجابه عشان ياكل معاهم..وقعد معاهم .. وطول ما هو قاعد وبياكل بحيرى منزلش عينه من عليه وقهد يبص على العلامات اللي جسمه عشان يتاكد
    ولما خلصوا الاكل وقاموا عشان يمشوا بحيرى نده للغلام - محمد صلى الله عليه وسلم - وكلمه
    قاله .. يا غلام اسالك بحق اللاتي والعزى - الذي يقسم بهما قومك - ان تصارحني القول فيما اسالك عنه
    فقال له الغلام - الرسول صلى الله عليه وسلم - ..لا تسالني باللاتي والعزى فوالله ما ابغضت شيئا قدر بغضهما
    فقال بحيرى .. فبالله ان تصدقني القول فيما ساسئلك عنه؟؟
    وقعد يساله عن حاجات كتير .. بينام ازاي بيعمل ايه مع الغلمان في سنه ... كل امور الدنيا العاديه
    وكل ما يجاوبه على سؤال بحيرى يقوله صدقت .. لانه بالظبط زي اللي اتذكر عنده في الكتاب من مواصفات للروح المحمود خاتم الانبياء .. واخر علامه شافها بحيرى كانت خاتم النبوه على ظهر الغلام بين كتفيه .. هو ده
    محمد
    صلى الله عليه وسلم
    وبعد كده راح بحيرى لعمه ابو طالب وساله
    قاله .. انت تقرب ايه للغلام ده ؟؟
    رد عليه ابو طالب وقاله .. ابني
    رد عليه لحيرى وقاله .. لاء ده مش ابنك .. ابو الغلام ده مينفعش يكون عايش
    فقاله ابو طالب .. صح الغلام ده ابن اخي
    ساله بحيرى .. طيب وابوه فين ؟؟
    قاله ابو طالب .. مات
    فقاله بحيرى .. صدقت
    ياابا طالب
    ارجع بابن اخيك الى بلده واحذر عليه اليهود .. فوالله لئن رأوه وعرفوا منه ما عرفت ليبغنه شرا .. فانه كائن لابن اخيك شان عظيم فاسرع به الى بلاده

      الوقت/التاريخ الآن هو الجمعة يناير 18, 2019 1:19 am