BoYs StYlE

اهلا بيك (بيكى) معانا فى منتديات بويس استايل
شكلك كدة مش متسجل معانا فى المنتدى
لو انت لسة جديد دوس على (التسجيل) واملا البيانات
لو انت معانا اصلا ومن اعضائنا دوس على (دخول)
لو انت زائر يعنى دوس على (اخفاء)
ونورتنا فى كل الاحوال
شكرا ليك (لو عندك اى مشكلة فى المنتدى روح للمدير العام )اللى هو انا
المنتدى منتداك تنورنا فى اى وقت
$$المستحيل هو صنع الشئ ونحن نصنع المستحيل (المقلدون خلفنا تماما)$$

~FOR ALL WE MAKE~


    السيرة النبوية 2

    شاطر
    avatar
    الملاك البرئ

    عدد المساهمات : 19
    تاريخ التسجيل : 31/10/2009
    العمر : 28

    السيرة النبوية 2

    مُساهمة من طرف الملاك البرئ في الأحد نوفمبر 29, 2009 2:32 am

    احبابي في الله
    النهارده معادنا مع الجزء التاني من السيره النبويه ان شاء الله وهانحكي فيها قصة الفيل

    بتبداء قصة الفيل من اول ابرهه
    ولقبه هو ابرهه الاشرم .. لانه كان عنده ضربة سيف في وجهه تشقه لنصفين من حرب من الحروب اللي كان بيخوضها وعشان كده لقب بالاشرم
    اسمه ابرهه بن الصباح وكان والي على اليمن بامر من ملك الحبشه النجاشي .. والنجاشي هو لقب الملك في بلاد الحبشه

    الملك في مصر القديمه يطلق عليه فرعون
    المهم
    ابرهه بعت للنجاشي ملك الحبشه وقاله انا بنيت لك كنيسه عظيمه في صنعاء مافيش زيها على وجه الارض .. وهاتكون هي البيت اللي يحج لها

    العرب بدل البيت اللي في مكه واللي كل العرب بيحجوا ليه في مواسم الحج .. والكلام ده سمعه واحد من اهالي مكه كان في اليمن فدخل الكنيسه

    دي بالليل ولطخها وشوه جمالها.. ولما ابرهه شافها صمم اكتر على هدم البيت فبعت للنجاشي وقاله انا محتاج انك تبعت لي جيش وفيل عشان اهدم البيت ده ومايكونش قدام العرب غير الكنيسه اللي انا بنيتها يحجوا لها في كل موسم ونكسب احنا الاموال
    وبالفعل بعت النجاشي ملك الحبشه اقوى واعظم فيل عنده لابرهه وجهز ابرهه نفسه وخرج في الجيش بتاعه متجه لمكه بالفيل طبعا
    وسمع العرب طبعا بزحف جيش ابرهه واتجاهه لمكه فجهزوا نفسهم للدفاع عن البيت
    وكانت اول مواجهه مع ابرهه واحد من ملوك اليمن اسمه ..ذو نفر ..بس انهزم واخده ابرهه اسير واتوسل ذو نفر لابرهه عشان مايقتلوش

    ويستفاد بيه كدليل للطريق لمكه وقد كان
    وتاني مواجهه .. كانت مع مجموعه من قبائل العرب اتجمعوا تحت لواء ملك اسمه نفيل بن حبيب الخثعمي وانهزم بردو ..وطبعا اسباب الهزيمه معروفه ..
    العرب كانوا اول مره يشوفوا فيها حيوان بالقوه دي والضخامه دي زي الفيل عشان كده خافوا ومن خوفهم انهزموا..وبقى

    نفيل بردو اسير عند ابرهه وكان دليله التاني للطريق لمكه بس كان بيحاول يبعد ابرهه ويضلله بعيد عن مكه وعن البيت
    وتالت بلد مر بيها ابرهه كانت الطائف بس مدخلش حرب معاهم استقبله الحاكم بتاع الطائف ساعتها في مجموعه من كبار القوم من ثقيف وكان اسمه

    مسعود بن معتب وقال لابرهه ..احنا عبيدك وهانساعدك وهانبعت معاك احسن دليل عندنا وهو ابو رغال وفعلا وصله لاول الطريق لمكه ومات هناك
    المهم
    ابرهه خرج مجموعه من الجيش بقيادة فارس اسمه .. الاسود بن مفصود .. وكام الغرض انه يجمع الغنم والابل اللي بترعى خارج شعاب مكه عشان يوفر الاكل والشرب للجيش قبل الهجوم على مكه وفعلا جمع كل الانعام اللي كانت بترعي من غنم وابل وكان من ضمنها 200 بعير لعبد المطلب .. جد الرسول صلى الله عليه وسلم ..وبعت ابرهه رسول لاشراف مكه ويقولهم انا مش جاي عشان احارب انا جاي اهدم البيت وارجع بس

    ووصل رسول ابرهه لعبد المطلب وبلغه الرساله وكان رد عبد المطلب
    احنا مش قد الحرب معاه هانوسع له الطريق للبيت .. ده بيت ربنا وبيت ابراهيم الخليل لو ربنا رد ابرهه عنه فده بيته وحرمه ولو ربنا خلى ابرهه يهدمه ..
    والله احنا اضعف من اننا نصد ابرهه عنه
    وراح عبد المطلب مع رسول ابرهه عشان يقابله .. وهو هناك شاف عبد المطلب ملك اليمن ذو نفر فراح له عشان يتوسط عند ابرهه فرد علبه

    وقاله انا اسير .. ازاي اسير يقدر يتوسط عند ملك منتصر بس ممكن اخلي سايس الفيل يدخل معاك ليه لانه قريب من النجاشي وممكن يكون له

    خاطر عند ابرهه وبالفعل .. استاذنوا في الدخول على ابرهه
    ولما ابرهه شاف عبد المطلب من هيبته ووقاره اتكسف منه انه يكون هو في مكان اعلى من المكان اللي قاعد فيه عبد المطلب فنزل وقعد جنبه
    ابرهه طبعا كان مجهز نفسه للمفواضات حوالين عدم هدم البيت الحرام ولكنه اتصدم لما سمع كلام عبد المطلب
    عبد المطلب قال لابرهه .. اريدك ان ترد على 200 من الابل قد اصابها رجالك وهى ملك لي
    وكان رد ابرهه ليه .. انت اول مادخلت علي عظمتك وكبرتك ودلوقتي انا انكر عليك هذا التعظيم
    رد عبد المطلب وقاله ليه ؟؟ .. قاله ابرهه .. انا جاي اعدم بيت هو دينك ودين اباءك واجدادك وانت جاي تكلمني عن 200 بعير ردوهم

    اليه وكان رد عبد المطلب انا رب الابل هاحميها اما البيت .. فله رب يحميه ..
    للبيت رب يحميه
    واخد عبد المطلب الابل بتاعته ورجع لقريش عشان يقولهم يسيبوا مكه ويخرجوا للجبال والشعاب لانهم مش قد حرب ابرهه .. وفعلا خرجوا كلهم
    وجهز ابرهه الجيش واستعد لدخول مكه وهدم البيت .. وقبل الفيل ما يوصل للكعبه عارفين ايه اللي حصل؟؟

    فاكرين نفيل .. ؟؟

    اللي كان بيحاول يضلل ابرهه والجيش بتاعه ؟؟

    جري ناحية الفيل وجانب ودنه قاله

    ..ابرك محمودا فانت في بلد الله الحرام
    ..ابرك محمودا فانت في بلد الله الحرام
    ..ابرك محمودا فانت في بلد الله الحرام

    وبالفعل برك الفيل في مكانه وكل المحاولات في تحريكه فشلت بالرغم من انهم كل مايوجهوه اي اتجاه غير الكعبه يقوم ويتحرك بس كل ما يجوهوه

    للكعبه بيرك .. يقعد .. مكانه ومايتحركش
    وفي الوقت ده بتيجي النجاه من ربنا سبحانه وتعالى .. وتظهر الطير الابابيل .. طير كل واحد منها معاه 3 حجاره من جهنم ماسكهم برجله

    ومنقاره وكل حجر عليه اسم جندي من جنود ابرهه وابيد الجيش عن اخره ما عادا ابرهه
    ربنا سلط عليه مرض وخلى لحم جسمه بتاكل ويقع منه وهو حي وسلط عليه الدوود بياكل فيه لحد ما ريحة ابرهه وهو عايش وبيتعذب بالظبط زي

    ريحة الميت اللي اتعفن ومفيش حد بقى يقدر يقرب منه لحد ما مات في اليمن
    وانتهى جيش ابرهه وابرهه نفسه
    وبقت مكه اهم بلد في الجزيره العربيه كلها وكل الجزيره العربيه بقت مهتمه بيها وباخبارها ومكانتها زادت اكتر بين العرب .. وكان ده تجهيز

    من ربنا للرسول عليه الصلاة والسلام عشان اول ما يبعث بالرساله ينتقل الخبر لكل الجزيره.....

      الوقت/التاريخ الآن هو الجمعة يناير 18, 2019 12:46 am